My Prairie
行行下點解咁熱既？原來冷氣冇出風！關左再開，有風，不過好快又冇左。之後點都冇風出。
上網搵料，一係風機壞，一係電阻壞。
可以去錦田搵料，即試即換。前面個 post 有講。
如果係星期六壞或者我都會入錦田搵，不過都係試下自己攪。
先拆左風機同電阻出黎先。個電阻係用黎控制個風機大細風。一般都叫風機電阻，但係打去大昌問，佢既答案係風機電阻係風機入面，要成個換。#_#
呢個就係電阻喇，國內叫鼓風機電阻。Part# : 22761-70T03
正廠係一片片鋁合金，離廠係一支支既。我係大陸買既就係一支支。
點都好，check 左 風機先。比電，會郁，即係冇事啦。如果冇壞，我估用 3 粒 AA 電都應該郁，或者去買粒9v電試都得。我比 4V 電試佢既。
唔好拎住個白色部份，因為有電到會轉架。
電阻點check有冇壞？
用它錶check對角 2 個接觸片係唔係通既。如果唔通，即係壞左。
我都係咁check到壞左，然後係大陸訂返黎。
之後裝返上去就得喇，不過電阻個膠蓋，大陸野唔係咁岩位，會頂頂地，我換左原廠個個上去。
一裝一拆，應該 1 小時內 OK。
如果唔係呢兩樣野壞，咁就真係要再睇下喇。
