DIY 更換機頭

原裝大面板機頭係 Kenwood，有 CD Box。不過唔可以播 mp3，有點失色。

雖然可以用 CD-RW 錄歌，但係太花時間喇！

依家一般功能既機頭已經可以播到 mp3 ，又有 usb 可以插手指直接play 入面既歌。

為左方便 DIY 更換，同埋唔想拆個 CD-BOX，所以我買返 Kenwood，咁樣係最容易既，因為唔洗再駁線，用返原本個插便可以！

如果冇乜拆野既經驗，大家最好都係比人裝或是叫朋友一齊整！

買左機頭外，由大面板轉做細機，仲要買埋個筒。


箭咀位置有兩個方孔，用個一字螺絲批放入去，慢慢咁可以了起個框！


之後就會見到上面張圖咁！機頭兩邊都有螺絲，拆埋個4根螺絲就可以拎出個機頭連埋個架。

個架左右兩邊，有螺絲，拆埋就可以分開個機頭同個架！

個架要用返黎裝個新既機頭！

機頭後面個d插，甩左佢，插返去部新機到就得。



藍色個條係 CD-BOX 既線，可以用返。
黑色個條係天線！
另外仲有一個插，相入面見唔到。



半充成圖，未裝個筒！
我呢部個 USB 係機後面出，用條 USB 延長線就可以駁返出黎前面！
插個讀卡器，可以用 SD card. ^_^v