遙控手制換電池

如果你發覺有時個遙控好似唔多得，有時遙控唔到，咁就係時候要換電池喇！

準備好電池一粒，CR1620。相機鋪可能有！我去鴨寮街買既，$4一粒。
小型螺絲批，十字同一字都要。

先用十字螺絲批，鬆開車匙上面既螺絲，然後用支一字螺絲批係前面了開個蓋，用字闊既一字批會比較容易了開！



了開左就係咁架啦，留意粒電既擺放方向，換既時候唔好反轉放。


用支一字螺絲批了起粒電，換返粒新既上去。


合返好個蓋就得喇，裝返螺絲。攪掂！