空調 Panel LED 燈改造

上次整好左電趟門既燈制 LED 後，今次係將空調 Panel 既燈泡改為成 LED

左面 LED ， 右面燈泡。


先拆左個 Panel出黎。將燈泡連座拆出黎。然後挑起座既幼電線，將個燈泡拉出黎同個座分離。

LED 我用貼片既 LED，因為發光角度比較大，唔會集中係前面。

用 兩粒 330 歐 1/6 W 既電阻焊上去 LED，焊接完成後，電阻既腳穿返去燈座個入面既小圓孔！之後好似燈泡個條幼電線咁屈係個座既凹槽到。

貼片 LED + 電阻 既樣子。我呢粒 LED 發光角度都唔夠大，平面既發光角度會再大D，有個半圓凸出既角度會細過成粒平既。


LED 裝好在燈座的樣子！


試多次著唔著唔著先！


完成後就可以將 LED 連燈座裝返入去個 Panel 到！

留意，因為 LED 有分 正負，所以裝好左之後唔好咁心急裝返好個 Panel ，先插好線，車匙拎一格匙，按一下 Panel 既 AUTO 制，記住要按制，因為如果抆過個插要插返，個 空調系統關左既，燈係關左，要按制先會開！睇下著唔著燈！如果唔著，咁就要拆左個燈泡，轉 180 度放返入去，咁就應該會著！唔著既原因係正負極唔岩，轉 180 度呢個動作係將 LED 既正負極對返岩線路正負極。

完成後。


下一次，會改埋按制燈做 LED！